Testemuños de persoas participantes e mentoras na
II Edición do Programa Xuventude Mentoring

"O programa Xuventude Mentoring foi unha oportunidade única para min á hora de acadar a profesionalidade e a confianza que precisaba para entrar no mercado laboral e traballar do que me gusta. Noto que agora, profesionalmente, son unha persoa diferente á que fun cando comecei."

"Participar no programa axudoume a ampliar a miña perspectiva sobre a vida, desenvolver habilidades como o pensamento crítico e a comunicación, e aprender doutros que tiveron experiencias similares. Tamén me levou a conectar con persoas incribles e axudoume a desenvolver una rede de contactos que poderían ser útiles no meu futuro"

"Unha experiencia valiosísima para achegarme a entender á xeración que será protagonista do noso futuro"

"Foi unha experiencia moi enriquecedora, de moita aprendizaxe, reflexión e momentos moi gratificantes ao contribuír no crecemento e desenvolvemento doutras persoas, a través da miña experiencia ao longo da miña vida profesional"

"Xuventude Mentoring non é un programa, é una chave. Coas instrucións adecuadas, tan só debes virala cara ó lado correcto até facer ‘clic’. E, case por encantamento, conseguirías acceder a un tesouro oculto: a todo ese potencial que levabas dentro e, até ese momento, ignorabas."

"Xuventude Mentoring axudoume a enfocar e priorizar os meus intereses laborais, a par que me deu o empuxón necesario para perfeccionar o meu perfil profesional a hora de buscar emprego"

"O programa de mentoring é unha desas raras ocasións nas que todo o mundo gaña. Os mozos conseguen información que lles axuda a decidir o seu camiño e os maiores a satisfacción de que a nosa experiencia axudou a alguén que empeza a labrarse un futuro"

"Xuventude Mentoring aportoume competencias e seguridade en min mesma no tránsito á vida laboral. Axudoume a definir os meus obxectivos tras o meu paso pola universidade, así como xeitos para acadalos"

"Desta experiencia gustaríame destacar a colaboración e proximidade das persoas titoras, o compromiso coa nosa aprendizaxe por parte do profesorado encargado dos cursos e á súa vez, o networking e o traballo en equipo daqueles que participamos."

"O programa de Xuventude Mentoring para min é un programa de crecemento mutuo para ambas partes; achega ás mozas e mozos ao mercado laboral actual e aos mentores permítenos coñecer de cerca as capacidades e fortalezas das nosas e dos nosos mozos. Un camiño para percorrer xuntos cun obxectivo claro, mellorar a empregabilidade das novas xeracións."

"A miña experiencia como mentor permitiume ter unha perspectiva valiosa sobre o proceso de procura de emprego e as dificultades que se enfrontan. Estou agradecido de poder participar na segunda edición de Xuventude Mentoring e compartir a miña experiencia. Ao mesmo tempo, a miña experiencia como mentor enriqueceume persoal e profesionalmente."

"Xuventude Mentoring axudoume a non sentirme soa no proceso de procura de emprego, a non perder a ilusión e deume moitas ferramentas para mellorar o meu currículo e a forma na que busco traballo"

"O programa Mentoring axúdoume a poñer en orde as miñas ideas para poder repensar a miña idea de negocio."

"O meu paso polo programa resúmese na xente que coñecín polo camiño, tanto mentores e mentoras, como titores, titoras e compañeiras ou compañeiros, que me axudaron a descubrir como é o meu sector en Galicia. Un camiño durante o que nos axudamos constantemente, e seguimos facendoo, co obxectivo de continuar crecendo como profesionais, pero, sobre todo, como persoas."

"É dificil resumilo nunha soa frase, pero podería dicir que o Programa Xuventude Mentoring foi un proceso moi enriquecedor, que me permitiu actualizar as miñas competencias na busca de emprego e adquirir unha mentalidade positiva e optimista respecto do meu potencial no mundo laboral."

"Considero o Xuventude Mentoring unha iniciativa moi importante e necesaria para a conexión interxeracional desde o punto de vista profesional. A miña experiencia resultou moi gratificante polo que supuxo de encontro, intercambio de expectativas e realidades laboráis e pola posibilidade de entrar en contacto con persoas novas con moitas inquedanzas nunha contorna de aprendizaxe mutua"

"Xuventude Mentoring axudoume a ampliar a miña rede de contactos e brindoume máis ferramentas para a inserción profesional en Galicia. Tanto os profesores como a titora foron súper atentos e estiveron a disposición durante todo o programa. Paréceme una boa experiencia que axuda a mellorar tanto a inserción laboral como a marca persoal"

"Cheguei a Xuventude Mentoring coas expectativas dun programa que mellorara a miña empregabilidade e para facer contactos con outra xente do meu sector, pero lévome moito máis. Tanto o meu mentor, como a miña titora, preocupáronse moitísimo por min e axudáronme a coñecerme mellor, a enfocar a miña carreira profesional e a cumprir os meus obxectivos laborais. Non podería estar máis contento!"

"Tiven a oportunidade de participar na II edición do Programa Xuventude Mentoring, no cal recibín formación moi enriquecedora, orientación laboral, aprendizaxe e un seguimento con varias mentorías ao longo do programa. A piques de rematar tiven a oportunidade de atopar emprego, facilitando a empregabilidade e logrando o meu obxectivo profesional."

"O programa permitiume desenvolver as ferramentas necesarias para alcanzar o meu obxectivo. O que máis destacaría, é o continuo acompañamento dos titores, que che outorgan información e motivación necesaria. E por suposto, o labor dos mentores. Sen dúbida, recoméndoo a calquera persoa menor de 30 anos que estea en procura activa de emprego e que non saiba como alcanzar o seu soño ou obxectivo profesional."

"O programa resulta, unha experiencia moi enriquecedora a nivel tanto profesional coma persoal. Por un lado, permítenos aos mentores compartir o que aprendimos ao longo da nosa traxectoria e a nosa visión do mundo no que nos movemos, axudando a persoas a atopar unha liña profesional, laboral ou vocacional que incluso non contemplaban nun inicio. E polo camiño atopámonos con persoas que nos dan unha nova visión do noso día a día e a percepción que teñen do mesmo."

"O programa mentoring deume a oportunidade de ver que tiña máis oportunidades."

"Paréceme un programa moi interesante e importante xa que axuda a todos os mozos a centrarse, desenvolverse e guialos para a procura de traballo."

"O programa é unha porta de acceso ao mundo laboral dos mozos galegos e unha maneira de descubrir novos talentos que teñen verdadeira paixón por enfocar a súa vida profesional cara un determinado sector."

"Agradecer a oportunidade de poder participar no programa. No meu caso, foi moi enriquecedor e motivador poder colaborar con persoas con tanto interese e involucración."

"Destacar a orientación laboral levada pola miña titora e tamén polo compromiso e as axudas por parte de todos o que fan posible levar a cabo Xuventude Mentoring, e sobre todo polo agarimo e a confianza que nos deron en todo momento para entrar no mundo laboral."

"Participar como mentor é moi enriquecedor ao comprobar como os coñecementos e a experiencia acumulada ao longo dos anos pode axudar aos participantes a gañar confianza en si mesmos, fortalecer as súas habilidades e sentirse máis seguros á hora de acceder ao mercado laboral. A evolución ao finalizar o programa é evidente e moi satisfactoria para ambas partes"

"Ó programa é unha oportunidade fantástica para axudar a encamiñar á traxectoria profesional dos mentorizados e facerlles pensar á curto, medio é longo prazo, ó cal é imprescindible para acadar á satisfacción no traballo. Á miña experiencia como mentor foi excelente, grazas ós mentorizados recordei ó valor das decisións laboráis."

"Para min participar no programa Xuventude Mentoring axudoume a sentirme máis preparada para entrar no mundo laboral. Permitiume reflexionar sobre o meu obxectivo profesional e tamén sobre min mesma, é dicir, a saber no que eu destaco e polo tanto, coñecer o que lle podo aportar a unha empresa. "

"Considero que é un programa moi útil para apoiar aos mozos que buscan emprego, xa que na carreira ou durante os estudos non te preparan para o que pasa despois e parece una fase bastante automática, o cal na realidade evidentemente non é así."

"A miña experiencia foi formidable. Atopeime moi cómodo co alumnado, que sempre se mostrou interesado e colaborador, con moito interese por aprender todas as reviravoltas dos diferentes departamentos da nosa empresa. Sempre mantiven un contacto permanente co Centro, que me informou fehacientemente sobre todos os pasos a seguir. Repetiría a experiencia encantado."

"Entendo a miña participación no Programa como unha oportunidade para contribuir ao inicio na vida laboral das mozas e mozos que están aí xa, que son o presente máis que o futuro, que serán as nosas compañeiras e que necesitan un espazo amable e ben tratante desde o que arrancar. Que mellor maneira que aportarlles un pouco do coñecemento e da experiencia que nos houbera gustado aos demais ter ao comezo da nosa andaina profesional."

"Formar parte do Programa Xuventude Mentoring, como mentora, foi unha experiencia moi enriquecedora, compartir os meus coñecementos con rapaces e rapazas que están empezando o seu percorrido no mundo laboral foi moi moitavente. O Programa é unha gran oportunidade, recomendo a todos os xovenes aproveitar esta experiencia básica na busqueda de emprego."

"Cando coñecín a existencia do programa non dudei en participar. Paréceme esencial que os perfiles con experiencia poidamos compartila coas novas xeracións. A miña principal motivación foi tratar de axudarlles a gañar confianza para introducirse no mundo laboral. Resultou ser unha experiencia magnífica, tanto pola sensación de aportar valor á xente que son o noso futuro, como polo agradecemento e as aprendizaxes que un sempre se leva."

"Para min, este programa supuxo o estar activa e actualizada no relativo á procura de emprego. Hoxe en día a procura de emprego pode ser un traballo laborioso, desmotivador e frustrante, pero grazas ao programa descubrín o meu obxectivo profesional, no que realmente quería traballar, sempre téndoo como foco, e atopei a motiviación que necesitaba para seguir adiante."

"O programa de mentoring enténdoo como unha iniciativa que procura unha mellor aproximación ao mundo laboral de recen titulados, cun dobre obxectivo: axilizar o seu proceso de incorporación ás nosas empresas e que estas poidan aproveitar todo o seu potencial."

"Xuventude Mentoring é unha iniciativa estratéxica para potenciar a empregabilidade e conectar a recen graduados co ecosistema empresarial. Desde o punto de vista do mentor, é si cabe máis interesante, xa que permite descubrir talento e xerar novas conexións a través do networking que se establece. Sen dúbida, esta iniciativa é de vital importancia para dinamizar a conexión entre oferta e demanda de emprego e potenciar o crecemento da economía galega."

"Para min, este programa de Xuventude Mentoring foi o meu primeiro paso para a toma de contacto co mundo laboral. En todo o proceso, non faltaron a motivación e a entrega tanto por parte dos que impartían as clases como das titoras, as cales te acompañan e guian en todo momento con agarimo e paciencia. Ademais, todos os participantes axudámonos uns aos outros o que provoca un gran sentimento de gratificación!"

"Resaltar a importancia dun programa como o Xuventude Mentoring; o meu labor como mentora foi moi positivo e gratificante. A alumna que acompañei no Mentoring facilitou todo o proceso, estivemos traballando en varias sesións e a experiencia para min como mentora é moi positiva. Estou satisfeita co labor realizado e os obxectivos que alcancei neste proceso coa alumna, tal é así que pechei as sesións de seguimento e valoración e seguimos en contacto."

"Foime moi gratificante o poder coñecer ao futuro de Galicia e axudar a descubrir a sua gran valía e potencial"

"Para min a mentoría é… unha situación na que se establecen redes de confianza e xurde unha relación de gaña-gaña."

"Un barco faino a xente"

"Para min a mentoría é axudar a descubrir, a pensar, a tomar decisións que fagan realidade un proxecto"

"Para min o programa supuxo unha axuda extra para ese primeiro paso na miña carreira laboral, unha ponte entre a universidade e o mundo laboral. Recomendaría sen dúbida a xente como no meu caso, que acaba de saír da universidade e, no medio do proceso de busqueda de emprego, quere formarse para ter as cousas claras de como afrontar esta nova etapa."

"Detrás de Xuventude Mentoring atópase un equipo de profesionais que, ademais de axudarme e acompañarme durante a miña procura de emprego, me ensinaron a importancia de coñecerse e ter confianza nun mesmo para acadar todos os nosos obxectivos. Sen dúbida, ter a posibilidade de participar neste programa significou darlle a miña vida un xiro de 180°"

"É un proceso de intercambio que te remove. Inféctache da curiosidade, paixón e ilusión dos mozos por achegar os seus coñecementos ao mundo laboral e ábreche á xenerosidade de compartir as túas propias experiencias e reflexións para axudalos a iniciarse nas súas carreiras profesionais"

"Xuventude Mentoring serve de guía e orientación as persoas que queren incorporarse ao mercado laboral, a miña participación é interesada polos beneficios que me reporta ao ver os obxectivos acadados pola xuventude que forma parte de este programa multidisplinar"

"O Xuventude Mentoring chegou no momento no que non vía xa esperanza na miña búsqueda de emprego. Alegrome de descubrir este programa e creo que todos cando comezamos precisamos un apoio como que aporta o Xuventude Mentoring para estar mais preparados. Grazas a este programa teño moita mais confianza a hora de enfrentarme a unha entrevista. Fun a miña primeira entrevista e atopei o traballo que estaba buscando e creo que se non fora polo Mentoring non saberia afrontala como o fixen."

"Para min o proxecto Mentoring foi un darme conta, porque me permitiu abrir a mente e cuestionar o que eu mesma establecera na miña vida. De primeiras veces un cree que pode ir sobre a marcha, pero tanto a orientación como o apoio recibido no programa son de gran axuda para ir sen risco. E é que nunca sabes cal é o paso que te vai a enlazar co teu futuro soñado, hai que permitirse descubrilo"

"Este Programa é fundamental, é necesario seguir apoiándoo e fomentándoo, porque ofrece a posibilidade aos participantes de entrar en contacto con empresas e profesionais do mundo laboral. Estou agradecida por formar parte nestes dous anos e espero seguir facéndoo, deixando o meu graniño de area con estas persoas marabillosas das cales aprendín, e creo que elas de min. Cheame de orgullo ver os enormes pasos que deron"