Transmitir coñecemento, apoiar, aconsellar, compartir a propia experiencia, escoitar, solucionar dúbidas… Achegar luz.
Hai algo máis bonito que ser mentor ou mentora?
Xuventude Méntoring é un programa integral de formación e mentoring destinado a persoas mozas con titulación universitaria ou de formación profesional, co obxectivo de favorecer a súa transición á vida laboral.
Coa túa achega como persoa mentora esperamos que as persoas mozas participantes clarexen o seu obxectivo profesional, reforcen a súa autoestima e perfil, aumenten a súa rede de contactos e melloren, así, as súas expectativas na busca de emprego.
Como?
Partindo da túa experiencia poderás axudar a mellorar aos mozos e mozas nas súas competencias para o emprego e o seu enfoque de desenvolvemento profesional, asesorándoas en relación ao mellor xeito de acadar a súa inserción laboral, xa sexa por conta allea ou propia.
Sendo unha persoa profesional, con preparación e experiencia no teu sector e do mercado laboral actual, e con certo tempo para este labor de mentoría.
Mantendo aproximadamente 3 reunións con cada persoa moza á que apoies de maneira presencial ou virtual, e todo coordinado co equipo técnico do programa.
O labor de mentoría é voluntario. En todo caso, a organización do programa poderá compensar ás persoas mentoras os gastos de desprazamento que poidan derivar do seu labor, de habelos.
