Visita á Radio Galega, situada nos estudios centrais da Corporación Radio e Televisión de Galicia, en Santiago de Compostela.

A Corporación Radio e Televisión de Galicia (CRTVG) é o servizo público de comunicación da comunidade galega. A Corporación desenvolve o seu labor desde medios televisivos, radiofónicos e dixitais, completando a maior oferta informativa e de entretemento audiovisual existente en lingua galega.

A Radio Galega iniciou as súas emisións en probas o domingo 24 de febreiro de 1985, día do aniversario do nacemento da poetisa Rosalía de Castro, e a programación regular comezaría o 29 de marzo dese mesmo ano. Desde entón a Radio Galega emite as 24 horas do día ininterrompidamente en lingua galega. A súa programación abrangue todos os aspectos da sociedade. Así, informativos, magazins, deportes, cultura, música, programas especiais e emigración conforman espazos que permiten ao oínte estar ao día da actualidade de Galicia, de España e do mundo. Este ano, celebra o seu 40 aniversario.

Durante a visita os participantes asistirán aos programa en directo de Galicia por diante e poderán participar na gravación do mesmo.

Posteriormente, Isabel Pichel acompañará aos asistentes en unha visita guiada polas instalacións da Radio e da Televisión, e lles dará unha visión global do sector enfocada a empregabilidade: explicándolles como acceder ao sector, postos que se soen demandar, así como, consellos e indicacións para traballar neste.