Sesión online informativa e de formación impartida por María Ángeles Mazanares Dacosta e destinada aos participantes do Programa Xuventude Mentoring, graduados ou estudantes na Universidade de Vigo, sobre todo o relativo aos servizos que presta a Fundación Universidade de Vigo (FUVI), centrándose principalmente no Programa Conecta Talento e a oferta de prácticas extracurriculares. Ao remate terá cabida unha ronda de preguntas e consultas.

O Programa Conecta Talento pretende captar, formar e inserir ás persoas tituladas da Universidade de Vigo a través da formalización de prácticas nun contexto produtivo real, conseguindo un nexo entre o talento delas e o tecido empresarial. Por tanto, é un instrumento adecuado para favorecer a futura incorporación das persoas tituladas ao mercado laboral e para complementar a súa formación teórica previa cunha estancia práctica, de carácter non laboral, nunha empresa.

A Fundación Universidade de Vigo (FUVI) ten por finalidade primordial cooperar co cumprimento dos fins propios da Universidade de Vigo, ben por propia iniciativa, ben por medio das encomendas que a mesma lle realice. As principais liñas de actuación da Fundación son: emprego e emprendemento, formación complementaria e difusión e promoción de actividades