Información sobre a proba de nivel B2 – Xuventude Mentoring

Tras semanas preparando aos participantes do Xuventude Mentoring para a acreditación do seu nivel B2 de inglés, proporcionandolles competencias lingüísticas que contribúan ao seu desenvolvemento profesional, chega o momento de poñer a proba ese aprendizaxe a través da proba final que certificara o seu nivel.

Poderán presentarse á proba de nivel todas as persoas matriculadas no curso de B2 (23 en total), con independencia de que asistisen ou non ás sesións en directo.

O exame consta de catro partes: comprensión lectora, expresión escrita, comprensión auditiva e expresión oral.

As probas de comprensión lectora, expresión escrita e comprensión auditiva realízanse conxuntamente e teñen unha duración aproximada de dúas horas e media.

A proba de expresión oral realízase nun momento distinto, xa que se fai por parellas, co obxectivo de evitar que o alumnado teña que esperar mentres se examinan os seus compañeiros/as. Cada exame oral dura aproximadamente 18 minutos por parella. Está programada para o xoves 16 de xullo, ao rematar a clase (de 11:30 a 13:30).