Acto de encontro conxunto para as persoas mentoras e mentorizadas da 2da e 3ra edición do programa Xuventude Mentoring e participantes da primeira edición do programa Xuventude Mentoring na Empresa.

O acto, que terá lugar na planta -1 do Museo Gaiás da Cidade da Cultura, contando cunha duración aproximada dunhas tres horas, estará composto dunha inauguración institucional e varias mesas redondas, nas que contaremos con experiencias de primeira man tanto de participantes mozos como de persoas mentoras e empresas implicadas en ambos os dous programas. Así mesmo, tamén se levará a cabo unha dinámica formativa-lúdica para favorecer o coñecemento entre os asistentes.

A xornada rematará cunha entrega de diplomas acreditativos por ter participado nos programas e un aperitivo posterior.