Formato: Desenvolverase unha xornada de 2h coa participación de 3 perfís expertos do ámbito das ciencias da vida que están desenvolvendo o seu traballo en diferentes áreas de empresas ou asociacións. Os relatores falarán da súa experiencia e poñerán en valor ferramentas que poden axudar á mocidade a atopar oportunidades profesionais no ámbito das ciencias da vida de Galicia. Na segunda parte da xornada, haberá unha parte máis práctica e de networking onde os mozos e mozas poderán formular preguntas e dúbidas aos relatores, e que isto lles axude a encamiñar a súa carreira profesional. A xornada estará moderada en todo momento por Julio Martínez.