¿Por que emprender?

Emprender hoxe en día, ademais de impulsar un negocio e/o startup tamén é aproveitar as oportunidades do mercado laboral para posicionarse como un profesional de prestixio e desenvolver proxectos individuais cun amplo grupo de clientes. Ademais, é preciso entender o concepto de emprender tamén como poñer en marcha aquelas outras iniciativas empresariais e laborais que permiten a recentemente egresados establecer o seu propio negocio (bufete, consulta, axencia) por conta propia.

Con este escenario surxe a necesidade de formar aos profesionais do futuro nesta materia, con isto, vai a realizarse unha actividade en formato dual impartida por Roberto Touza e Juan Carlos Bugallo que estará dividida en dúas sesións, unha primeira en formato de teleformación cunha duración de 2 horas na que presentar de forma máis teórica o emprendemento e o autoemprego e unha segunda sesión presencial dunhas 4 horas, a realizar en decembro, na que levar a práctica a teoría adquirida na primeira sesión (esta sesión).

Os obxectivos desta actividade son:

• Coñecer o significado de emprendemento, emprendedores e startups.
• Coñecer as oportunidades de emprendemento existentes hoxe en día.
• Coñecer os factores fundamentais a analizar para emprender.
• Coñecer un proceso estruturado, paso a paso, que permita evolucionar unha simple idea a unha idea de negocio empresarial.
• Coñecer os pasos e trámites necesarios para poñerse en marcha.

Con estas premisas, nesta primeira sesión, Juan Carlos e Roberto van a presentarlle aos participantes o seguinte programa:

• Situación talento dixital.
• Opcións de emprendemento.
• Solopreneurs e autoemprego.
• Idea vs oportunidade de negocio.
• Factores a ter en conta.
• Primeiros pasos.