Sesión online informativa e de formación destinada a todos os participantes do Programa Xuventude Mentoring sobre todo o relativo aos servizos que presta a Fundación Universidade da Coruña (FUAC), centrándose principalmente nas bolsas, prácticas remuneradas e formación. Ao remate terá cabida unha ronda de preguntas e consultas.

A Fundación Universidade da Coruña é una institución de carácter benéfico-docente constituída o 24 de marzo de 1997 como organización non lucrativa para a promoción, desenvolvemento e apoio ao financiamento de iniciativas e actividades da UDC. Busca promover a investigación, a formación, o emprego e a transferencia de coñecemento en colaboración coa Universidade, impulsando a participación de entidades públicas e privadas.